ಅನುದಿನ ಭವಾಬ್ಧಿಯಲ್ಲಿ ....೪

ಮನುಷ್ಯನ ಮನಸ್ಸು ಕೆಲಸಮಾಡುವ ರೀತಿಗಳನ್ನು ತಿಳಿಯುವ ಕುತೂಹಲ ಮನುಷ್ಯನಿಗೆ ಅನಾದಿ ಕಾಲದಿಂದಲೂ ಇದ್ದಇದೆ.ಒಂದು ಮುಖ್ಯವಾದ ಕೇಂದ್ರದಲ್ಲಿ ಅದರ ಎರಡು ಪ್ರಮುಖ ಶಾಖೆಗಳು ಭಿನ್ನವಾದ ದಾರಿಯಲ್ಲಿ ಹೊರಟು ಭಿನ್ನವಾದ ಮಾರ್ಗ ಹಾಗು ಗಂತವ್ಯಗಳನ್ನು ಅವು ರೂಪಿಸಿಕೊಂಡಿವೆ.ಮನುಷ್ಯನ ಮೂಲಭೂತವಾದ ಅಸ್ತಿತ್ವವೇ ಅಸ್ವತಂತ್ರ ಎಂದು ನಂಬಿ ಹೊರಡುವ ಚಿಂತನೆಗಳು ಒಂದು ದಿಕ್ಕಿನಲ್ಲಿ ,ಹಲವು ವಿಭಿನ್ನ ಕವಲುಗಳಲ್ಲಿ ಬೆಳೆದರೆ ಮನುಷ್ಯನ ಪ್ರಜ್ಞೆಯ ಸಾಮರ್ಥ್ಯವನ್ನೇ ನಂಬಿ ಹೊರಟ ಚಿಂತನೆಗಳು ಬೇರೊಂದೇ ದಾರಿಯನ್ನು ಹಿಡಿದವು.ಆದರೆ ಇಲ್ಲಿಯೂ ಕೂಡ ಒಂದು ಮುಖ್ಯ ಮಾತೆಂದರೆ ಇವು ಎಷ್ಟೇ ಬೇರೆ ಬೇರೆ ಯಾಗಿಯೇ ಬೆಳೆಯಲು ಹೊರಟರೂ ಅವು ತಮ್ಮ ತಮ್ಮ ದಾರಿಯೋಳಗಿನ ಸಮಸ್ಯೆಗಳನ್ನು ಬಿಡಿಸಿಕೊಳ್ಳುವಾಗ ಪರಸ್ಪರವಾಗಿ ಅನೇಕ ಬಗೆಯ ಸಂಬಂಧಗಳನ್ನು ರೂಪಿಸಿಕೊಂಡಿವೆ.ಅವು ಪ್ರೀತಿಸಿವೆ,ಜಗಳಾಡಿವೆ ,ಮಾತು ಬಿಟ್ಟಿವೆ,ಒಂದನ್ನೊಂದು ಮುಗಿಸಿಬಿಡಲೂ ಕೂಡ ಬಯಸಿ ಸೋತಿವೆ,ಇದರಿಂದಾಗಿ ಇವುಗಳನ್ನು ಒಂದು ಬಗೆಯ ಸ್ವಾಯತ್ತ ಚಿಂತನ ಘಟಕಗಳೆಂದು ನಂಬಿ ಹೊರಡುವ ಎಲ್ಲ ಚಿಂತನೆಗಳೂ ತುಂಬಾ ಗೊಂದಲಗಳ ಗೂಡಾಗಿ ನಮಗಿಂದು ಕಾಣತೊಡಗಿವೆ.ಆಧುನಿಕ ಧಾರ್ಮಿಕ ಚಿಂತನೆಗಳು ಇಂಥ ಸಂದರ್ಭದಲ್ಲಿ ಅವುಗಳ ಸ್ವಾಯತ್ತತೆಯನ್ನು ಸಿದ್ಧಪಡಿಸುವದಕ್ಕೂ ತುಂಬಾ ಹೋರಾಡಿವೆ.ಅವು ಹೇಗೆ ಸಂಪೂರ್ಣವಾಗಿ ಭಿನ್ನವಾದ ಆಲೋಚನಾಕ್ರಮಗಳು ಎಂದು ತೋರಿಸಲು ಹೊರಟ ಪ್ರಸ್ಥಾನಗಳು ಸಹಜವಾಗಿಯೇ ಅಹಿಂಸಾತ್ಮಕವಾದ ,ತಮ್ಮ ವ್ಯಾಖ್ಯಾನ ಸಾಧ್ಯತೆಗಲಿನ್ದಾಗಿಯೇ ಉದಾರವಾದ 

ಸಂಭಾವ್ಯತೆಗಳನ್ನು ಉಳಿಸಿಕೊಂಡು ಬೆಳೆದವು.ಆದರೆ ಅವು ಎರಡು ವಿರೋಧಿ ಚಿಂತನೆಗಳೆಂದು ತಿಳಿದ ಪ್ರಸ್ಥಾನಗಳು 

ಅನಾವಶ್ಯಕವಾಗಿ ಹಿಂಸೆಯನ್ನು ಸ್ರಸ್ತಿಸಿದವು.

ಆದರೆ ಈ ಎರಡೂ ಬಗೆಯ ಗ್ರಹಿಕೆಗಳಿಗೂ ತಮ್ಮ ಅವಶ್ಯಕತೆಗೆ ತಕ್ಕಂತೆ ಭಾಷೆಯನ್ನೂ ರೂಪಿಸಿಕೊಳ್ಳುವ ಹೊನೆಯಂತು

ಇದ್ದಇತ್ತು.ಹೀಗೆ ಮನಸ್ಸು ಎಂಬ ಅಗೋಚರ ಇಂದ್ರಿಯದ ಸುತ್ತ ಹಬ್ಬಿದ ಈ ಬಗೆಯ ಭಿನ್ನ ತತ್ವಜ್ನಾನಗಳು 

ಭಾಷೆಯತ್ತ ಹೇಗೆ ಪ್ರವ್ರತ್ತಿಸುತ್ತ ಹೋದವು ಎಂಬುದನ್ನು ನಾವು ಈಗ ಗಮನಿಸಬಹುದು.